Jinsisti li l-ewro se tibqa'

Mario Draghi, il-President tal-Bank Ċentrali Ewropew, insista li l-munita ewro kienet xi ħaġa irriversibbli u ma kienx hemm periklu li z-zona ewro kienet se tisfaxxa. Hu qal dan f'intervista mal-ġurnal Franċiż 'le Monde'.

 

Draghi qal li hawn xi analisti li jimmaġinaw xenarji ta' splużjoni taz-zona ewro iżda qal li dawn in-nies ma kinux jafu dwar xiex kienu qed jitkellmu u l-impenn u l-appoġġ li hemm wara l-ewro. Fost l-affarijiet, hu qal li minkejja l-problemi li hawn, l-Unjoni Ewropea ma kinitx f'periklu ta' reċessjoni.