It-Tribute Band Awstraljana Pink Floyd f'kunċert fuq il-Fosos

The Australian Pink Floyd Exposed in the Light World Tour 2012 se jkunu f'pajjiżna fi ftit tax-xhur oħra. Għal dawk kollha li huma dilettanti tal-band mużikali Pink Floyd, għat-tieni darba, dawn ser ikollhom l-opportunita' li jattendu għall-kunċert mit-Tribute Band Awstraljana Pink Floyd. Il-kunċert li ser isir nhar il-14 ta' Lulju fuq il-Fossos tal-Furjana se jikkonsisti f'serata ta' mużika ta' din il-band tant popolari ma' ħafna kif ukol spettaklu ta' dawl.

It-Tribute Band Awstraljana hija popolari ma' diversi pajjiżi madwar l-Ewropa. Tant, li matul is-sena 2013, din it-Tribute Band ser tagħti diversi kunċerti fi Frankfurt, f'Amsterdam, l-Ingilterra kif ukoll f'Dublin fost l-oħrajn. Interessanti l-fatt, li fil-kunċerti li tati din it-Tribute Band Awstraljana, tuża diversi oġġetti magħrufin aħjar bħala 'props' li huma l-oġġetti oriġinali tal-Pink Floyd.

Kull min ser jattendi għal dan il-kunċert ser igawdi minn serata ta' mużika ta' sagħtejn bl-aqwa sound offrut mis-sound Engineer Colin Norfiled. Colin Norfiled huwa wieħed mill-aktar sound engineers imfittxija tul dawn l-aħħar 40 sena.

Wara s-suċċess tal-ewwel kunċert li taw The Australian Pink Floyd fl-2005 ġewwa l-Luxol Grounds, l-organizzaturi ħassew li jkun ideali li dan il-kunċert isir fuq il-Fossos tal-Furjana sabiex b'hekk, kull min jattendi għal dan il-kunċert ikun jista' jgawdi minn spettaklu mill-isbaħ offrut minn din it-Tribute Band Awstraljana.