Is-sindku ta' Londra jżomm postu

Is-sindku Konservattiv ta' Londra Boris Johnson irnexxielu jżomm postu bħala sindku f'elezzjoni li kienet l-aktar waħda interessanti u mistennija mill-elezzjonijiet lokali li saru fir-Renju Unit. L-akbar sfida kontra Boris Johnson ġiet mill-Laburist Ken Livingstone li hu nnifsu fil-passat serva bħala sindku ta' Londra. Johnson naqas mill jġib aktar min 50% tal-voti u għalhekk ġiet elett sindku bil-voti tat-tieni preferenza. Din ir-rebħa Konservattiva ġiet fost numru ta' riżultati diżappuntanti għal partit ta' David Cameron hekk kif il-Laburisti ta' Ed Miliband żiedu s-siġġijiet madwar ir-Renju Unit.