29 ta' Ġunju, 2012
13:51 CET |
Fis-sessjoni plenarja tal-Parlament ewropew nhar l-Erbgħa li jmiss mistenni li jingħata l-verdett finali dwar it-trattat kontroversjali l-ACTA. L-ACTA huwa ftehim bejn bosta pajjiżi fosthom l-UE, l-USA, l-Kanada, l-Ġappun, il-Messiku, il-Marokk, Singapor, il-Korea t'Isfel u l-Isvizzera biex tipproteġi l-proprjeta' intelletwali, tnaqqas il-piraterija online u tevita' l-importazzjoni ta' prodotti falsifikati.
L-ACTA qajjmet oppożizzjoni qawwija kontrieha, speċjalment fejn għandu x'jaqsam mal-liberta' tal-espressjoni u l-privatezza.
Jidher imma li l-maġġoranza tal-membri parlamentari Ewropej, speċjalment dawk li pparteċipaw fil-kumitat tal-kummerċ internazzjonali, tal-libertajiet ċivili, l-Industrija u Affarijiet Legali u l-Iżvilupp, rrakkomandaw li l-Parlament Ewropew ma jagħtix il-kunsens tiegħu għall-ACTA.
Minkejja din ir-rakkomandazzjoni kontra l-vot tal-ACTA, il-vot fis-sezzjoni plenarja tal-Parlament mhux marbut li jsegwi din ir-rakkomandazzjoni.
|
sezzjoni: aħbarijiet lokali
Ċentri tas-saħħa
