Il-vaccin kontra l-marda tas-Sandfly fil-klieb jasal Malta

Tnieda f'Malta wkoll l-unika vaccin li jeżisti biex jipprevjeni l-marda tas-Sandfly, li taffetwa kwart tal-klieb f'Malta kif ukoll fil-pajjiżi l-oħra tal-Mediterran.

Il-vaccin Canileish, li huwa prodott tal-kumpanija tal-farmaċewtika Virbac, jingħata lill-klieb li jkollhom iktar minn sitt xhur bħala prekawzjoni kontra din il-marda, li tinfirex minn kelb għal kelb permezz tad-dubbiena magħrufa bħala sandfly.

Sal-lum ma teżisti l-ebda kura għal din il-marda li f'ħafna każi tkun fatali, u dan huwa l-unika vaccin li jaħdem fuq il-prevenzjoni ta' din il-marda.

Għat-tnedija, li saret f'Palazzo Capua f'Tas-Sliema, kienu preżenti uffiċjali għolja tal-kumpanija Virbac kif ukoll id-Direttur Ġenerali tad-Diviżjoni Veterinarja Anthony Gruppetta.

Il-vaccin huwa prodott reġistrat mal-Aġenzija Ewropea tal-Mediċini.