Rebecca BROG
28 ta' Mejju, 2012
18:18 CET |
It-tħejjijiet għall-kunċerti ta' VOICES 2012 għaddejjin b'ritmu tajjeb.
Dawn il-kunċerti annwali li ilhom jittellgħu sa mill-1991, jittellgħu minn kor ta' mitejn ruħ li jkanta flimkien m'orkestra live b'għan wieħed - dak li jkun il-vuċi ta' min hu fil-bżonn.
Għalhekk, Voices, organizzazzjoni mhux Governattiva, ittella dawn il-kunċerti biex b'hekk id-dħul tal-biljetti kollha jmorru għall-kawżi ġusti. Fil-fatt, s'issa, Voices ġabret 'il fuq minn €1,300,000 f-fondi li marru lkoll lejn il-karita - kemm lokali u anke internazzjonali. Fost dawn hemm il-Hospice Movement, l-Eden Foundation, il-Caritas, YMCA, Dar tal-Providenza u Red Cross International.
Huwa għalhekk li ta' kull sena tintgħażel tema soċjali bħala l-għan ewlieni tal-kunċert.
Il-Fondazzjoni Voices għalhekk qed tistieden lill-għaqdiet mhux Governattivi sabiex jissottomettu l-proposti tagħhom għal xi proġetti ta' karita' jew filantropija sa nhar it-Tnejn 11 ta' Ġunju. Wara din il-ġurnata jibda proċess fejn jiġu kkunsidrati dawn il-proposti sabiex jirċievu fondi mill-Beneficiary fund.
|
sezzjoni: Mużika
Ċentri tas-saħħa
