Il-Kunsill tal-Araldika fil-Belġju iniedi l-ewwel armi

Ingħataw għall-ewwel darba l-ewwel żewġ diplomi araldiċi fil-Belġju. Din hija parti minn inizjattiva tal-Kunsill Araldiku tal-Komunita' tal- Wallonja, il-parti tal-Belġju li jitkellmu bil-Franċiż. Dan il-kunsill għandu bħala xogħolu li jagħmel d-disinn tal-armi u badges u li jaġħti l-awtorita', permeżż ta' diploma, lil min jista' jużhom.

L-ewwel żewġ persuni li ibbenefikaw minn dawn id-diplomi kienu l-ministru tal-kultura Belġjana Fadila Laanan u r-reġistrar tal-istess Kunsill Araldiku Jean-Paul Springael.

Id-disinn tal-armi hija tradizzjoni antika ħafna li ġiet istituzzjonaliżżata fil-medjuevu u illum il-ġurnata hemm bosta istituzzjonijiet f'pajjiżi differenti li jirregolaw l-użu tal-armi bħall-College of Arms fir-Renju Unit,  ic-Chief Herald tal-Irlanda, tal-Kanada u s-Sudafrika u issa anka fil-parti Frankofona tal-Belġju.