16 ta' Mejju, 2012
20:56 CET |
Il-Greċja kienet tema ewlenija fid-diskussjonijiet bejn Merkel u Hollande f'Berlin, b'dan tal-aħħar jasal tard għal-laqgħa minħabba li l-ajruplan li kien fuqu intlaqat minn sajjetta. Il-laqgħa kienet pożittiva, biż-żewġ mexxejja jesprimu ruħhom pożittivament dwar il-futur ekonomiku fl-Ewropa.
Francoise Hollande minn naħa tiegħu sostna li l-importanti bħalissa hu t-tkabbir ekonomiku, u mhux il-miżuri t'awsterita'. Hollande innifsu, l-Erbgħa, ħabbar il-kabinett il-ġdid Franċiż li se jkun immexxi minn Jean-Marc Ayrault.
Sadatant, ġie konfermat li l-Griegi se jerġgħu jissejħu biex jivvutaw f'elezzjoni ġenerali fis-17 ta' Ġunju li ġej. Kien għalhekk li l-President Papoulias ħatar Gvern proviżorju biex imexxi lill-Greċja sal-elezzjoni.
Dan wara li l-vot tal-poplu fis-6 ta' Mejju ma kellu l-ebda riżultat konklussiv, u l-partiti spiċċaw jillatikaw bejniethom – min ried il-bailout tal-UE u min ma riedx aktar miżuri t'awsterita'.
|
sezzjoni: internazzjonali
Ċentri tas-saħħa
