Għajnuna finanzjarja għall-istudenti Għawdxin

Il-Ministeru għal Għawdex ħabbar li pproċessa pagamenti marbuta ma' skema ta' għajnuna addizzjonali li tingħata lill-istudenti Għawdxin li jkunu qed jistudjaw f'Malta.

B'hekk kull student Għawdxi li jkun qed jistudja fl-Universita', l-MCAST jew l-ITS, se jibda' jingħata għajnuna li tlaħħaq €400 kull tlett xhur. Dan minbarra l-istipendju li jingħata fuq bażi nazzjonali.

Permezz ta' din l-għotja, l-Ministeru għal Għawdex qed jirrikonoxxi l-ispiża li jidħlu għaliha l-ġenituri ta' studenti Għawdxin li jkomplu jistudjaw f'Malta.

Ċifri attwali juru li hemm 1,035 student Għawdxi li qed isegwu korsijiet fl-Universita' ta' Malta, li jfisser id-doppju ta' dawk li kienu jattendu 10 snin ilu.