37 edizzjoni tal-Festival Monte Carlo Circus

Kif diġa' mħabbar fis-27 ta' Ġunju 2012 mill-Ministeru tal-Affarijiet barranin, Malta intagħżlet bħala wieħed mis-sitt pajjiżi minn fejn tfal se jintagħżlu u jiġu mistiedna bħala mistiedna personali tal-Prinċep ta' Monaco għas-37 edizzjoni tal-Monte Carlo International Circus.

L-organizzaturi jixtiequ li t-tifel jew tifla jintagħżlu wara kompetizzjoni pubblika tat-tpinġija. Il-kompetizzjoni hija miftuħa għat-tfal Maltin u Għawdxin ta' eta' bejn it-tmienja u l-għaxar snin.

It-tema tat-tpinġija hi 'The Circus'. L-organizzaturi f'Monaco ħa jħarsu lejn il-kreattivita' iżjed milli t-teknika jew il-kwalita' tad-disinn tat-tpinġija u dan ħa jkun fattur determinanti biex tintagħżel it-tpinġija rebbieħa.

Ir-rebbieħ/a flimkien mal-ġenituri jew min jieħu ħsiebu/a se jiġu msitiedna jassisstu għall-edizzjoni li jmiss tal-Monte Carlo Circus. It-trasport u l-akkomodazzjoni huma mħallsa kollha mill-organizzaturi.

Il-parteċipanti għandhom jinkludu l-isem u l-kunjom, eta', l-isem tal-iskola, data tat-twelid, kuntatti (indirizz, telefon u indirizz tal-email) fuq wara tal-istampa.

Dawk li jixtiequ jieħdu sehem għandhom jibgħatu l-istampi sal-15 ta' Settembru 2012 lil:

Mr. John Buttigieg

First Secretary

Ministry of Foreign Affairs

Palazzo Parisio

Merchants Street

Valletta VLT 1171

Tel: 22042333

Email: [email protected]

Iżjed informazzjoni tista' tinkiseb mis-sit www.mfa.gov.mt/france