11 t' Awwissu, 2012
20:33 CET |
Żewġt irġiel tressqu l-Qorti akkużati bil-qtil tal-istilista tax-xagħar Mario Galea, ta' 42 sena li nqatel kmieni lbieraħ filgħodu f'Paceville.
Joseph Zahra minn San Ġiljan u Brian Cini mir-Rabat Għawdex qalu li mhux ħatja.
Hu mifhum li Galea, li hu parrukkier, ngħata xebgħa qabel għaddiet minn fuqu taxi waqt li kien stendut mal-art.
L-Avukati Michael Schriha, Gianella de Marco u Gianluca Caruana Curran talbu l-Qorti biex tassigura li jkollha quddiemha l-istorja medika tal-vittma.
Il-Qorti, preseduta mill-Maġistrat Joseph Apap Bologna, ordnat testijiet tossikoloġiċi u tad-demm tal-vittma, kif ukoll eżami mediku tal-akkużati. L-akkużati se jkunu eżaminati wkoll minn psikjatra għax jidhru konfuzi u taħt xokk.
Iż-żewġ akkużati nżammu arrestati.
L-awtopsja li saret illum kienet inkonklussiva u l-pulizija għadhom iridu jistabbilixxu jekk il-vittma kienx mejjet qabel ma ntlaqat mit-taxi.
|
sezzjoni: aħbarijiet lokali
Ċentri tas-saħħa
